Лутава — возера ва Ушацкім раёне Віцебскай вобласці. Знаходзіцца за 4 км на поўнач ад Ушачаў, каля вёсак Лутава і Машчоны, у басейне ракі Крашанка.
Плошча паверхні Лутава складае 0,1 км². Найбольшая глыбіня возера — 15,9 м. Даўжыня возера 0,49 км, найбольшая шырыня 0,25 км. Даўжыня берагавой лініі — 1,15 км. Аб’ём вады ў возеры складае 1,15 млн м³, плошча вадазбору 0,23 км².
Катлавіна эварзійнага тыпу, авальнай формы, крыху выцягнутая з паўночнага захаду на паўднёвы ўсход. Схілы маюць вышыню 8—10 м, разараныя. Падводная частка катлавіны мае форму 2 упадзін, глыбіні якіх роўныя 15,9 м і 12,8 м адпаведна. Дно вадаёма да глыбіні 3,5 м высланае пясчанымі адкладаннямі, на большых глыбінях глеем.
Возера зарастае ўздоўж берагоў. Прыбярэжная расліннасць пашыраная да глыбіні 2,5 м і з’яўляецца пераважна падводнай.