Лорэнц фон Штайн (18 лістапада 1815, Экернфёрдэ, Шлезвіг, Данія — 23 верасня 1890, Вена, Аўстра-Венгрыя) — нямецка-аўстрыйскі прававед, эканаміст і сацыёлаг, аўтар паняцця «сацыяльная дзяржава».
У 1835—1839 гадах вывучаў філасофію і права ў Іенскім і Кільскім універсітэтах. Пасля абароны доктарскай дысертацыі ў Кілі, да 1846 года быў выкладчыкам, дацэнтам кафедры палітычных навук. З 1855 года быў прафесарам палітычнай эканоміі ў Венскім універсітэце, дзе прапрацаваў 30 гадоў.