Леанід Аўксенцьевіч Гуцаленка (нар. 10 ліпеня 1931, с. Юрпаль, Манькіўскі раён, Чаркаская вобласць, Украіна) — беларускі філосаф, сацыёлаг, журналіст. Доктар філасофскіх навук (1993), прафесар (1995).
Скончыў Беларускі дзяржаўны ўніверсітэт (аддзяленне журналістыкі, 1955), Інстытут філасофіі і права АН БССР (аспірантура, 1971).
Працаваў у газетах «Ленинское знамя» (Сапоцкінскі раён, 1955—1958, адказны сакратар), «Путь победы» (Мастоўскі раён, 1958—1959, намеснік рэдактара), «Гродзенская праўда» (1959—1963, літаратурны супрацоўнік), Беларускім тэлеграфным агенцтве (1963—1970, рэдактар прэс-бюро, з 1968 — загадчык рэдакцыі), Беларускім дзяржаўным універсітэце (1971—2015, факультэт філасофіі і сацыяльных навук, кафедра псіхалогіі, прафесар).
Навуковыя інтарэсы: філасофія; антрапалогія; сацыялогія асобы; сацыялогія канкурэнцыі.
Лаўрэат прэміі імя У. І. Пічэты БДУ (2009).