Лагаза́[1] (трансліт.: Lahaza, руск.: Логоза) — вёска ў Лагойскім раёне Мінскай вобласці. Уваходзіць у склад Гайненскага сельсавета.
Да 24 мая 1960 года вёска ўваходзіла ў склад Кузевіцкага сельсавета[2], да 28 мая 2013 года — у склад Лагазінскага сельсавета[3], дзе была яго цэнтрам.
Знаходзіцца за 6 км у напрамку на паўночны захад ад Лагойска, за 45 км ад Мінска[4], каля аўтамабільнай дарогі Р66[5]. Праз вёску працякае рака Лагазінка (прыток Гайны)[6]. У межах вёскі на рацэ плаціна і сажалка.