Клафуці (фр.: clafoutis, ад акс.: clafir — напаўняць) — французскі дэсерт, які спалучае ў сабе рысы запяканкі і пірага. Садавіна ў салодкім вадкім яечным цесце, падобным да блінцовага, выпякаецца ў формах для запяканак або кіша. У змазаную тлушчам форму для выпечкі спачатку кладуць садавіну, а затым заліваюць яе цестам.
Класічным лічыцца клафуці са свежай вішні з костачкамі.[1] Існуюць таксама персікавы, яблычны і грушавы клафуці, клафуці з чарнасліву, журавін і ажыны.[2] Калі замест вішні выкарыстоўваецца іншая садавіна, такі клафуці называецца фланярд.
На Вікісховішчы ёсць медыяфайлы па тэме Клафуці