Кацёл з Гундэструпа — багата дэкараваная срэбная пасудзіна, датаваная каля I ст. да н. э., якая адносіцца да позняй латэнскай культуры[3]. Па сваіх памерах не мае аналагаў сярод срэбных прадметаў, якія захаваліся ад Еўропы жалезнага веку.
Выяўлены ў 1891 годзе ў разабраным на пласціны выглядзе ў тарфяным балоце каля пасёлка Гундэструп у акрузе Орс(англ.) бел. правінцыі Хімерланд(ням.) бел. у Даніі (56°49′ пн. ш. 9°33′ у. д. HGЯO). Перададзены на захоўванне ў Нацыянальны музей Даніі.
Дыяметр катла складае 69 см, вышыня 42 см. Малюнкі на катле, як мяркуецца, маюць характар звязанага апавядання і, відавочна, ілюструюць нейкі кельцкі міф (магчыма, пра Кернуна). Метад вырабу не характэрны для кельцкай Еўропы, але знаходзіць паралелі ў мастацтве Фракіі.