Караідэ́льскі раён (руск.: Караидельский район; башк.: Ҡариҙел районы) — адміністрацыйна-тэрытарыяльная адзінка на поўначы Башкартастана ў Расіі. Адміністрацыйным цэнтрам з’яўляецца сяло Караідэль.
Караідэльскі раён мяжуе з Дуванскім, Нурыманаўскім, Благавешчанскім, Мішкінскім, Балтачаўскім і Аскінскім раёнамі. Плошча раёна складае 3785,78 км².
Караідэльскі раён быў утвораны 20 лютага 1932 года ў адпаведнасці з пастановай УЦВК.
Насельніцтва раёна станам на 2017 год складала 25533 чалавекі. Паводле перапісу 2010 года большасць складаюць башкіры (47 %), далей ідуць татары (26,9 %), рускія (19,8 %) і марыйцы (5,4 %).