wd wp Пошук: ⬜

Караль Курпінскі

Караль Казiмеж Курпі́нскі (польск.: Karol Kazimierz Kurpiński, 6 сакавіка 1785, Влашакавіцы, Польшча — 18 верасня 1857) — польскі кампазітар, дырыжор, музыкальны тэарэтык. Прадстаўнік позняга класіцызму і сябра Варшаўскага таварыства сяброў навукі (польск.: Towarzystwo Warszawskie Przyjaciół Nauk, TWPN). Аўтар музыкі да патрыятычнай песні «La Varsovienne» (1831) на словы Казіміра Дэлавінь.

Біяграфія

Музыцы вучыўся ў бацькі — арганіста Марціна Курпінскага.

З 1810 года 2-і дырыжор «Tэатра Нарадовы», у 1824—1840 гадах 1-ы дырыжор і дырэктар «Тэатра Велькі» ў Варшаве.

У 1835—1840 гадах кіраваў першай польскай Школай музычнага і драматычнага мастацтва.

Адыграў значную ролю ў стварэнні нацыянальнай оперы.

Асноўныя творы

Аўтар больш як 25 опер (усе пастаўлены ў Варшаве), у т.л. «Шарлатан, або Уваскрэсенне з мёртвых», «Ядвіга, каралева Польшчы» (абедзве ў 1814), «Новыя кракавякі» (1816), «Замак на Чарштыне, або Баямір і Ванда» (1819), аперэт, балетаў, мес, кантат, аркестравых і камерна-інструментальных твораў, аркестравых і фартэпіянных паланэзаў, песень; музычных падручнікаў і артыкулаў па музычнай этнаграфіі.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.