Канстанцін Адамавіч Валасовіч (21 мая (2 чэрвеня) 1869, Ёдчыцы Старобінскай воласці Слуцкага павета Мінскай губерні — 25 верасня 1919, Украіна) — прыродазнаўца, географ, геолаг, хімік.
За ўдзел у рэвалюцыйным руху быў высланы ў Архангельскую губерню, дзе разгарнуў шырокую навукова-даследчую дзейнасць. Склаў геолага-геаграфічную карту Новасібірскіх астравоў, апрацаваў геалагічныя калекцыі, сабраныя Рускай палярнай экспедыцыяй.
Яго імём названы мыс на паўночна-ўсходнім узбярэжжы вострава Кастрычніцкай рэвалюцыі архіпелага Паўночная Зямля.
Загінуў у 1919 годзе ў чыгуначнай катастрофе на станцыі Бяспалаўка пад Харкавам[1].