Архангельская губерня — адміністрацыйная адзінка Расійскай імперыі, Расійскай рэспублікі і РСФСР (да 1929 года). Адміністрацыйны цэнтр — Архангельск. Насельніцтва 376 126 чалавек (1903).
Займала ўсю паўночную частку Расійскай імперыі ад Фінляндыі да Урала, мяжавала на поўначы з Паўночным Ледавітым акіянам і Белым морам. Тэрыторыя Архангельскай губерні ўключала сучасныя тэрыторыі Мурманскай вобласці, Ненецкай аўтаномнай акругі, паўночных частак Карэліі, Архангельскай вобласці, Рэспублікі Комі.