У гэтага паняцця ёсць і іншыя значэнні, гл. Каманішнік (значэнні). Камані́шнік[3] (Succisa) — род кветкавых раслін падсямейства варсянкавых (Dipsacoideae) сямейства бружмелевыя (Caprifoliaceae).
Шматгадовая травяністая расліна вышынёю 40—100 см. Сцябло прамастойнае з доўгімі міжвузеллямі. Лісце цэласнае, ланцэтнае, на сцябле супраціўнае, пры корані ў разетцы. Кветкі сіне-фіялетавыя, блакітна-бэзавыя, радзей белыя, у галоўчатых суквеццях. Плод — 4-гранны касматы арэх.
Пашыраны ў Еўразіі і Паўночнай Афрыцы. На тэрыторыі Беларусі 1 від — каманішнік лугавы (Succisa pratensis)[4] — трапляецца па ўсёй тэрыторыі на нізінных лугах, ускрайках балот, лясных палянах. Народныя назвы: каманіца, каноплі лясныя, папы.
Лекавая, дубільная, фарбавальная і меданосная расліна.