Ка́дзя Маладо́ўскі (Маладо́ўская) (індан.: קאַדיע מאָלאָדאָװסקי, англ.: Kadya Molodovsky; 10 мая 1894 — 23 сакавіка 1975) — яўрэйская пісьменьніца, паэтка, драматург, літаратурны крытык з Беларусі, ураджэнка Бярозы-Картускай. Пісала на ідыш. Аўтарка вядомага ў перакладзе Самуіла Маршака на рускую мову верша «Багаж».
Змалку вывучыла ідыш, іўрыт і рускую. Вучылася ў Варшаве, дзе ў 1921 годзе ўзяла шлюб з Ільвом Сімхам. У 1927 годзе выдыла першую кніжку паэзіі «Kheshvendike Nekht». У 1935 годзе разам са сваім мужам эмігравала ў Нью-Ёрк, ЗША, дзе зарэгістраваліся пад прозвішчам Маладоўскі. Ад 1948 да 1952 году сям’я жыве і працуе ў Тэль-Авіве. Памерла ў доме для састарэлых у Філадэльфіі.