У Вікіпедыі ёсць артыкулы пра іншых асоб з прозвішчам Даўгяла. Зінаіда Сямёнаўна Даўгяла (1 кастрычніка 1930, г.п. Лёзна, Віцебская вобласць) — беларускі архітэктар.
Скончыла Беларускі політэхнічны інстытут у 1960 годзе. З 1960 г. — архітэктар, старшы архітэктар у Віцебскграмадзянпраекце.
Член Саюза архітэктараў СССР з 1963 года. Пражывала ў Віцебску.
Асноўныя працы (у аўтарскім калектыве): генпланы Полацка, Наваполацка (1964), Новалукомля (1970), праекты забудовы мікрараёнаў у Наваполацку (1965—1968), Новалукомлі (1963-72), гасцініца «Віцебск» (1973), 14-павярховы жылы дом па Маскоўскім праспекце (1977), рэканструкцыя вул. Леніна (1973) у Віцебску.
1-я прэмія на рэспубліканскім конкурсе за праект забудовы Цэнтральнага раёна Віцебска (1970).