wd wp Пошук: ⬜

Зінаіда Ігнатаўна Канапелька

У Вікіпедыі ёсць артыкулы пра іншых асоб з прозвішчам Канапелька.

Зінаіда Ігнатаўна Канапелька (25 снежня 1918, г.п.Багушэўск — 27 мая 1997, Віцебск) — беларуская актрыса. Народная артыстка БССР (1972).

Біяграфія

2 красавіка 1934 г. паступіла ў студыю Беларускага тэатра імя Якуба Коласа. Упершыню на прафесійнай сцэне выступіла ў тым жа 1934 г., калі ў спектаклі «Цудоўны сплаў» У. Кіршона сыграла ў масоўцы. З 1936 па 1997 год працавала ў Беларускім нацыянальным драматычным акадэмічным тэатры імя Якуба Коласа. Яшчэ ў студыйныя часы рэжысёр Малчанаў пачаў з Зінаідай Канапелькай працаваць над роляй Паўлінкі паводле аднайменнай п’есы Янкі Купалы.

Зінаіда Ігнатаўна ўспамінала пра сустрэчу з Янкам Купалы пад час гастроляў у Мінску:

— Я вельмі хвалявалася, ідучы да Янкі Купалы. — Сустрэлі мяне на дзіва проста і гасцінна. Малчанаў расказваў, што працуе са мною над роляй Паўлінкі. Цётка Уладзя глядзела на мяне вельмі ласкава, а Янка Купала сказаў: "Цудоўная дзяўчына, жадаю табе сыграць гэту ролю на сцэне". Сустрэча з такім чалавекам, такім знакамітым паэтам стала для мяне сапраўднай падзеяй^[1]

Ролі ў тэатры

Насця («Несцерка», В. Вольскі)
Маўра («Праўда і крыўда», М. Стэльмах)
Ганерылля («Кароль Лір», У. Шэкспір)

Фільмаграфія

1943 Жыві, родная Беларусь!: нявеста

Узнагароды

ордэн «Знак Пашаны»
медаль «За працоўную адзнаку» (25.02.1955)
медаль Францыска Скарыны (1996)
Народная артыстка Беларускай ССР (1972)
Прыз «Крыштальная Паўлінка» (1994)

Зноскі

↑ Лазука, I. Яе вялiкасць актрыса / І. Лазука // Голас Сенненшчыны. – 1999.– 27 лiп.– С. 2, 3.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.
Гаробчанка, Т. Я. Зiнаiда Канапелька / Т. Я. Гаробчанка. — Мн., 1999. — 144 с.
Дашкевіч, С. Жывая песня Канапелькі / С. Дашкевіч // Культура. — 2004. — 10-16 студз. — С. 10.
Дашкевіч, С. «На ўсё жыццё запалены касцёр…» / С. Дашкевіч // Витьбичи. — 2004. — 13 янв. — С. 7
Канапелька Зінаіда Ігнатаўна // Памяць: гісторыка-дакументальная хроніка Сенненскага раёна / уклад. С. В. Шайко; мастак Э. Э. Жакевіч. — Мн., 2003. — С. 550.
Канапелька Зінаіда Ігнатаўна // Тэатральная Беларусь : энцыклапедыя : у 2 т. / рэдкал.: Г. П. Пашкоў [і інш.]. — Мн., 2003. — Т. 2. — С. 485—486.
Лазука, I. Яе вялiкасць актрыса / І. Лазука // Голас Сенненшчыны. — 1999. — 27 лiп. — С. 2, 3.
Русецкі, А. Дуэт роднасных душ / А. Русецкі // Вiцебскі рабочы. — 2005. — 27 снеж. — С. 4.