Зінаіда Іванаўна Конаш (нар. 1 кастрычніка 1940, в. Паршні, Сенненскі раён, Віцебская вобласць) — беларускі архітэктар.
Скончыла Беларускі політэхнічны інстытут у 1964 годзе. Працуе галоўным архітэктарам праектаў у Віцебскграмадзянпраекце[1].
Член Саюза архітэктараў СССР з 1968 года. Пражывае ў г. Віцебск[1].
У складзе аўтарскіх калектываў распрацавала праекты жылых, гандлёвых, відовішчных, культурна-бытавых будынкаў — у Віцебску, Полацку, Новалукомлі[1], шаснаццаціпавярховы жылы дом па вуліцы Генерала Белабародава, 5 (сааўтар У. Зубкоў) з кінатэатрам «Беларусь», карпусы педагагічнага інстытута (сааўтар У. Зубкоў)[2].