wd wp Пошук: ⬜

Зігфрыд Рамуальдавіч Цвірко

У Вікіпедыі ёсць артыкулы пра іншых асоб з прозвішчам Цвірко. Зігфрыд Рамуальдавіч Цвірко (нар. 9 сакавіка 1953; в. Цвіркі, Стаўбцоўскі раён, Мінская вобласць) — беларускі архітэктар.

Біяграфія

Скончыў у 1974 годзе БПІ. У 1974—1980 гадах архітэктар, вядучы архітэктар інстытута «Белпрампраект»; у 1960—1992 гадах кіраўнік групы, галоўны архітэктар праекта, галоўны архітэктар інстытута «Белсельбудпраект»; у 1992—1995 гадах кіраўнік творчай майстэрні пры Саюзе архітэктараў БССР; у 1995—1996 гадах начальнік упраўлення архітэктуры і горадабудаўніцтва Маладзечанскага гарвыканкама; у 1996—1997 гадах намеснік дырэктара па архітэктуры НВП «АРК»; у 1997 годзе начальнік ПКА ААТ «Забудова», у 1997—2004 гадах галоўны архітэктар праекта ПВДП «Белжылпраект», у 2004—2006 гадах галоўны архітэктар праекта ЗАТ «БудаФТ»; у 2006—2007 гадах намеснік дырэктара па архітэктуры ТАА «Белграндпраект»; у 2007—2009 гадах намеснік дырэктара па архітэктуры «Творчай майстэрні Корбута А І.»; у 2010—2011 гадах галоўны архітэктар праектаў ППУП «Сапоюр»; з 2012 года намеснік дырэктара па праектаванні ТАА «Берліс».

Член Беларускага саюза архітэктараў з 1978 года.

Пражывае ў Мінску па вуліцы Кахоўскай, 23.

Творчасць

Асноўныя працы (у аўтарскіх калектывах): праект прамысловага вузла ў г. Стоўбцы; схемы ўпарадкавання забудовы прамраёнаў «Чэпіна» і «Лучоса» ў г. Віцебску, прамраёна «Ласосна» ў г. Гродна (1974-1980); праект завода ЖБВ і ККД у п. Краснае Мінскай вобласці, праекты жылых сядзібных дамоў з маналітнага бетону для будаўніцтва ў сельскай мясцовасці, праект пасёлка вучгаса Горацкай сельскагаспадарчай акадэміі (1980-86); праекты для капрамонту і рэканструкцыі жылых і грамадскіх будынкаў (1997—2004); праект шмат’яруснай аўтастаянкі з убудаванымі адміністрацыйна-гандлёвымі памяшканнямі па вул. Алібегава ў з Мінску (2007—2009); праект вытворчых будынкаў завода ПУП «ADANI» у г Мінску, праект завода рэнтгенатэхнічнай тэхнікі ЗАТ «АДАНІ Тэхноладжыс» у Мінскім раёне (2012-13).

Узнагароды

Узнагароджаны бронзавым (1986) за праект аднакватэрнага трохпакаёвага мансарднага жылога дому і сярэбраным (1988) медалямі ВДНГ СССР.

Зноскі

Літаратура

Цвирко Зигфрид Ромуальдович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. Минск: Энциклопедикс, 2014. −140 с. ISBN 978-985-7090-29-7.(руск.)
Цвирко Зигфрид Ромуальдович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)