Зубніца клубняносная
Зубніца клубняносная[3] (Cardamine bulbifera) — шматгадовая расліна з роду Зубніца (Cardamine) сямейства Капуставыя (Brassicaceae).
Батанічнае апісанне
Голая травяністая расліна вышынёй 40—70 см, з доўгім паўзучым мясістым карэнішчам, пакрытыя мясістай лускаю. Сцябло прамастаячае, простае. Лісце перыстарассечанае, чарашковае. Кветкі даўжынёй 1—1,5 см, сабраны ў шчытковападобны нешматкветны пэндзаль.
Плады — коса ўверх накіраваныя струкі даўжынёй да 3,5 см. Насенне жоўта-бурае, бліскучае. У пазухах лісця і суквеццяў невялікія клубянькі. Цвіце ў красавіку — маі на працягу 1,5—2 тыдняў.
Распаўсюджанне
Расце ў цяністых шыракалістых лясах і хмызняках у Карпатах, на Палессі, у лесастэпу, у Крыму.
Ахоўны статус
Занесена ў чырвоны спіс Харкаўскай вобласці[4]. Ахоўваецца таксама ў Беларусі, Латвіі[5], Літве, на тэрыторыі Еўрапейскай часткі Расіі[6].
Паходжанне назвы
Старая назва роду (Dentaria) паходзіць ад лацінскага слова, якое ў перакладзе азначае зуб. Назва віду ў перакладзе з лацінскай мовы — «клубняносная».
Размнажэнне
Расліна размнажаецца насеннем, вегетатыўна (часткамі карэнішчаў) і бульбачкамі.
Эстэтычныя характарыстыкі
Зубніца дэкаратыўная расліна. Ружова-ліловыя пэндзлі кветак і зеляніна з выразанымі лісцямі робяць яе ўпрыгажэннем лясоў. Сарваная расліна хутка вяне. Іншыя 2 віду зубніцы адрозніваюцца тым, што ў пазухах іх лісця і суквеццяў няма клубянькоў.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 8. — 160 с. — 2 350 экз. — у крыніцы пад назвай Dentaria bulbifera L.
- ↑ Віды раслін, занесеныя ў чырвоны спіс Харкаўскай вобласці Архівавана 24 верасня 2010.
- ↑ Зубніца клубняносная ў Чырвонай кнізе Беларусі(недаступная спасылка)
- ↑ Зубянка клубненосная — Dentaria bulbifera L.: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Літаратура
- Дорофеев А. М., Сюборова С. Ф. Они не должы исчезнуть: Книга для учащихся — Мн.: Народная асвета, 1987. — 200 с.: ил. — 89 000 экз. — С. 146. (руск.)
Спасылкі
- Зубніца клубняносная ў Чырвонай кнізе Беларусі(недаступная спасылка)
- Зубянка клубненосная — Dentaria bulbifera L.: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
- Cardamine bulbifera — (L.)Crantz. // Plants For A Future(англ.)
Катэгорыя·Флора Еўропы
Катэгорыя·Чырвоная кніга Беларусі
Катэгорыя·Расліны паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Зубніца
Катэгорыя·Вікіпедыя·Артыкулы з непрацоўнымі спасылкамі
Катэгорыя·Дэкаратыўныя расліны