Здзі́слаў Шці́бер (польск.: Zdzisław Stieber; 7 чэрвеня 1903, Шчакова, каля г. Явожна, Сілезскае ваяводства, Польшча — 12 кастрычніка 1980, Варшава) — польскі мовазнавец. Член Польскай акадэміі ведаў (з 1945), Польскай акадэміі навук (з 1954; з 1961 кіраўнік аддзела).
У 1937—1945 гадах прафесар Львоўскага (з перапынкам), з 1945 — Лодзінскага, з 1952 — Варшаўскага ўніверсітэтаў.
Даследаваў праблемы польскага і агульнага мовазнаўства, фаналогію і дыялекталогію. Аўтар прац «Гістарычная і сучасная фаналогія польскай мовы» (1966), «Нарыс гістарычнай граматыкі славянскіх моў» (ч. 1—З, 1969—1973), «Моўны свет славян» (1974). Пад яго рэдакцыяй выйшаў «Атлас кашубскай мовы і сумежных з ёю дыялектаў» (т. 1—12, 1964—1975).