Званочак скучаны[3] (Campanula glomerata) — від роду званочак (Campanula) сямейства званочкавыя (Campanulaceae).
Званочак скучаны, званкі, званочкі[4], вешчаніц, званок, званок купкаваты, іванава галава, іванавы краскі, рышточнік[5][6][7], шалфей палявы[5].
Сцябло адзіночнае вышынёй 20—40, часам да 60 см. Як правіла, пакрытае серабрыстымі валасінкамі, рэдка — голае. Светла-ліловыя кветкі 1,5—3 см у даўжыню сабраны ў суквецце у верхняй частцы сцябла. Часам (рэдка) кветкі белага колеру.
Дадзены від расце ў Азіі (ад Ірана да Японіі) і ў Еўропе. Інтрадуцыраваны ў Паўночную Амерыку.
Шматгадовая расліна, цвіце з чэрвеня па верасень. Расце на сухіх лугах, у зарасніках, равах.