У Вікіпедыі ёсць артыкулы пра іншых асоб з прозвішчам Рыхтэр. Жызела Мары Аўгуста Рыхтэр (14 або 15 жніўня 1882, Лондан, Англія — 24 снежня 1972, Рым, Італія) — класічны археолаг і гісторык мастацтва[6].
Жызела Рыхтэр нарадзілася ў Лондане ў сям’і Жана Поля і Луізы (Швааб) Рыхтэр[7]. Яе бацькі і яе сястра, Ірма, былі гісторыкамі італьянскага мастацтва эпохі Адраджэння. Яна скончыла школу Майда Вэйл, адну з лепшых школ для жанчын у той час. Жызела Рыхтэр вырашыла стаць класічным археолагам, слухаючы лекцыі Эмануэля Лоўі ва ўніверсітэце Рыма каля 1896 года. У 1901 годзе яна паступіла ў Гіртан-каледж пры Кембрыджскім універсітэце і брытанскую школу ў Афінах.
Яна прыйшла ў Метраполітэн-музей у Нью-Ёрку ў якасці памочніка ў 1905 годзе[8], пазней стала памочнікам куратара ў 1910 г., дацэнт-куратарам у 1922 годзе, і куратарам грэчаскага і рымскага мастацтва ў 1925 годзе, гэтую пасаду яна займала аж да 1948 года, калі яна стала ганаровым захавальнікам да сваёй смерці ў 1972 годзе. Як куратар, яна была адным з самых уплывовых людзей у гісторыі класічнага мастацтва ў той час.
Жызела Рыхтэр выкладала ў Калумбійскім універсітэце, Ельскім універсітэце, Каледжы Брын-Мар і Аберлінскім каледжы. Як аўтар шматлікіх папулярных кніг па класічнаму мастацтву, яна аказала велізарны ўплыў на ўсеагульнае разуменне і ацэнку прадмета. У 1944 годзе, яна атрымала прэмію за дасягненні ад Амерыканскай асацыяцыі ўніверсітэцкіх жанчын.
Рыхтэр памёрла ў Рыме, Італія, у 1972 годзе. Яна пахаваная на рымскіх некаталіцкіх могілках.
Праз 30 гадоў пасля смерці Рыхтэр Каміла Палья(руск.) бел. аддавала даніну павагі ёй такімі словамі: «за яе выразнасць і строгасць думкі, яе тонкасць, адчувальнасць і тонкі густ; яе ўвагу да дэталяў і яе сілу назірання і дэдукцыі; яе майстэрства формы і дызайну.»
![]() |
Жызела Рыхтэр на Вікісховішчы |
---|