Жан-Франсуа Штаерт (ням.: Jean-François Steiert, фр.: Jean-François Steiert) (нар. 7 лютага 1961, Берн, кантон Берн, Швейцарыя) – швейцарскі палітык Сацыял-дэмакратычнай партыі Швейцарыі, дэпутат Нацыянальнага Савета Федэральнага Сходу Швейцарыі 47, 48, 49 і 50 скліканняў ад кантона Фрыбур.
Вучыўся ў пачатковай школе Марыі Уорд у Фрыбуры з 1967 па 1972 год, а затым перайшоў у гімназію імя Святога Міхаіла(ням.) бел. ў тым жа горадзе, дзе вучыўся з матэматычна-прыродазнаўчым ухілам з 1972 па 1978 год. Затым паступіў ва Універсітэт Фрыбура, дзе з 1978 па 1989 год вывучаў з большага гісторыю Швейцарыі. У меншай ступені займаўся сучаснай гісторыяй і камунікатыўнымі даследаваннямі.
З 2002 года Штаерт быў дэлегатам па міжкантанальных справах ва ўпраўленні адукацыі кантона Во. Стаў вядомы швейцарскай грамадскасці дзякуючы сваёй прафесійнай дзейнасці ў Сацыял-дэмакратычнай партыі Швейцарыі: у 1993–1998 гадах – цэнтральны сакратар па друку і інфармацыі, у 1998–2000 гадах – генеральны сакратар партыі і яе парламенцкай групы ў Федэральным Сходзе.
Быў дэпутатам Дзяржаўнага савета кантона Фрыбург(фр.) бел.. Са студзеня 2002 па снежань 2007 года быў членам Вялікага савета Фрыбура(ням.) бел.. Пасля смерці Ліліяны Чапуіс(ням.) бел. у чэрвені 2007 года Штаерт заняў яе крэсла ў Нацыянальным Савеце Федэральнага Сходу Швейцарыі. У Нацыянальны Савет Федэральнага Сходу Швейцарыі пераабіраўся ў 2007, 2011 і 2015 гадах. 15 ліпеня 2011 года ўзяў шэфства над Іллём Васілевічам(бел. (тар.)) бел., беларускм палітвязьнем, удзельнікам Плошчы 2010[2]. Падаў у адстаўку з пасады дэпутата Нацыянальнага Савета Федэральнага Сходу Швейцарыі ў пачатку 2017 года.
У лістападзе 2016 года Штаерт быў пераабраны ў Дзяржаўны савет кантона Фрыбург(фр.) бел. у другім туры[3]. На 2020 год быў віцэ-прэзідэнтам і дырэктарам па планаванні, ахове навакольнага асяроддзя і будаўніцтву Дзяржаўнага савета кантона Фрыбург(фр.) бел..