Дэліна Ібрахімай (алб.: Delina Ibrahimaj) (23 снежня 1983, Тырана Народная Сацыялістычная Рэспубліка Албанія) — албанскі дзяржаўны і палітычны дзеяч. Міністр фінансаў і эканомікі Албаніі з 2021 года[1][2].
Атрымала ступень бакалаўра гуманітарных навук у галіне міжнароднай эканомікі і менеджменту ва Універсітэце імя Луіджы Баконі ў Мілане, у снежні 2009 года — ступень магістра навук у галіне агульнага менеджменту ў тым жа ўніверсітэце, у лістападзе 2012 года — доктарскую ступень у вобласці кіравання банкаўскай справаай і фінансамі Рымскага ўніверсітэта «Тор Вергата»[2][3][4].
Мае шырокі кіраўнічы досвед у прыватным сектары. З 2005 па 2007 гады — кіраўнік Albanian Distribution Association. З 2007 па 2010 год займала пасаду генеральнага дырэктара ва Urban Distribution. У 2011—2015 гадах працавала эканамістам у Банку Албаніі і членам праўлення, старшым фінансавым дырэктарам у Tirana Ekspres, у 2015—2016 гадах — у канцылярыі прэм’ер-міністра ў якасці каардынатара па стварэнні інтэграванай сістэмы інфармацыі і аператыўнай дзяржаўнай статыстыкі[3][4].
З лістападзе 2016 года па ліпень 2019 года працавала генеральным дырэктарам нацыянальнага Інстытута статыстыкі (INSTAT)[3][4][5]. З 2017 года з’яўляецца членам Савета дырэктараў банка FED invest і членам адміністрацыйнага савета[2], а з 2021 года — старшынёй адміністрацыйнага савета Інстытута сацыяльнага страхавання (ISSH)[6].
У жніўні 2019 года назначана генеральным дырэктарам Галоўнага падатковага ўпраўлення (DPT)[4][5].
2 верасня 2021 года яна была прызначана прэм’ер-міністрам Эдзі Рамай міністрам фінансаў і эканомікі Албаніі[7] у новым трэцім кабінеце Рамы пасля таго, як былы міністр фінансаў Аніла Дэнай была адхілена ад пасады[8].
Свабодна валодае англійскай, італьянскай і французскай мовах[2].