wd wp Пошук: ⬜

Дэбора Ваарандзі

Дэбора Ва́арандзі (; 1 кастрычніка 1916, Выру — 28 красавіка 2007) — эстонская паэтэса. Народная пісьменніца Эстоніі (1971)

Біяграфія

Вучылася ў Тартускім універсітэце. Удзельніца антынацысцкага чэрвеньскага перавароту 1940. У першы зборнік «Пад палаючым небам» (1945) увайшлі вершы перыяду Айчыннай вайны. Кнігі «Пад шум прыбоя» (1948) і «У ясную раніцу» (1950) ўтрымліваюць лірычныя вершы і паэмы аб пасляваенным адраджэнні ў Эстоніі. Высокага мастацкага ўзроўню Ваарандзі дасягнула ў зборніку вершаў «Летуценнік ля вакна» (1959) і «Хлеб прыбярэжных раўнін» (1965). Вершы Ваарандзі прасякнуты грамадзянскім пачуццём, адрозніваюцца эмацыянальнасцю, гнуткасцю. Публіцыстыка і дарожныя нататкі Ваарандзі ўвайшлі ў кнігу «Гарады абнаўляльных успамінаў» (1964).

Пераклала на эстонскую мову асобныя творы Янкі Купалы.

Пераклады

На беларускую мову творы Ваарандзі пераклаў Анатоль Вярцінскі.

Творы

Selgel hommikul, Tallinn, 1950;
Unistaja aknal, Tallinn, 1959;
Uuenevate mälestuste linnad, Tallinn, 1964;
Rannalageda leib, Tallinn, 1965;
Valik luuletusi, Tallinn, 1966

Зноскі

↑ Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
1 2 Debora Vaarandi // FemBio: Банк інформації про видатних жінок, Frauendatenbank, Банк данных о выдающихся женщинах Праверана 9 кастрычніка 2017.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8.
Дебора Вааранди // Краткая литературная энциклопедия / Гл. ред. А. А. Сурков. — М. : Советская энциклопедия, 1962—1978.

Спасылкі