wd wp Пошук: ⬜

Дыннае дрэва

Дыннае дрэва, папая (Carica papaya) — пладовае дрэва з сямейства карыкавых.

Апісанне

Вечназялёнае дрэва вышынёй 4—7 м, без галін. На верхавіне разетка з буйнога лісця на доўгіх чаранках. Суквецці вісячыя, кветкі крэмавыя або белыя, часцей аднаполыя. Плод — ягада (даўжынёй да 30 см, маса 3—6 кг), падобная на дыню (адсюль назва).

Распаўсюджанне

Адна з старажытных культурных раслін . Радзіма — Цэнтральная Амерыка. Культывуецца ў трапічных краінах Амерыкі , Афрыкі і Паўднёва-Усходняй Азіі.

Выкарыстанне

Плады спажываюць як дыетычны прадукт. 3 млечнага соку няспелых пладоў і лісця атрымліваюць фермент папаін, які выкарыстоўваецца ў харчовай і лёгкай прамысловасці.

Агратэхніка

Хуткарослае, недаўгавечнае, у культуры замяняюць праз 3—5 гадоў.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура

Дыннае дрэва // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — С. 287. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8.