wd wp Пошук: ⬜

Дымніца Ваяна

Ды́мніца Ваяна, Дымніца Вайяна[3][4][5] (Fumaria vaillantii) — від кветкавых раслін сямейства Макавыя (Papaveraceae).

Апісанне

Аднагадовая травяністая расліна 10—30 см вышынёй. Сцеблы ад узыходзячых да прамых, даволі багата разгалінаваныя. Лісце чаргуецца, на хвосціках; ліставыя пласціны звычайна двойчатапёрыстарассечанае, лісточкі вузка лопасцевыя, долі ланцэтныя. Суквецці прыкладна 20-кветкавыя. Чашалісцікаў 2, з нераўнамерна зубчастымі бакамі, хутка ападаюць. Вяночак 4-пялёсткавы, 5—6 мм даўжынёй, пурпурны, знешні пялёстак на верхавіне з выманнем. Тычынак 6 у 2 групах, кожная з 1 цэлай і 2 палавіністымі тычынкамі. Арэшак шарападобны, тупы[5][6].

Распаўсюджанне

Распаўсюджаны ў Еўропе, Паўночнай Афрыцы, Заходняй Азіі да Індыі; натуралізаваны ў некаторых іншых мясцінах[7][8][9].

На тэрыторыі Беларусі адзначана ў наваколлі гарадскога пасёлка Рось [4]. Ва Украіне від расце на палях, агародах, уздоўж дарог — на ўсёй тэрыторыі[5].

Галерэя

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 55. — 160 с. — 2 350 экз.
1 2 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
1 2 3 Доброчаева Д. Н., Котов М. И., Прокудин Ю. Н., и др. Определитель высших растений Украины. — К., 1987. — С. 57. (руск.) (укр.)
↑ luontoportti.com. (англ.)
↑ plantsoftheworldonline.org. (англ.)
↑ bgbm.org. (англ.)
↑ npgsweb.ars-grin.gov. (англ.)

Літаратура

Траццякоў Д. І. Дымніца // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 242.

Спасылкі

Дымянка Вайана — Fumaria vaillantii: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)