Доса[1] (фр.: Dosso) — горад у паўднёва-заходняй частцы Нігера, цэнтр аднайменнага рэгіёна краіны. Размешчаны за 130—140 км на паўднёвы ўсход ад сталіцы краіны, горада Ніямей, на дарозе, што вядзе з Зіндэра ў Бенін. З’яўляецца цэнтрам гарадской акругі Доса. У горадзе працуе аэрапорт «Доса». У дакаланіяльны перыяд горад быў сталіцай каралеўства Доса, улада якога распаўсюджвалася на ўсю тэрыторыю пражывання мясцовага народа джэрма. У 2006 годзе Палац Джэрмакоя і музей былі прызнаныя ЮНЕСКА кандыдатамі ў аб’екты сусветнай спадчыны.