wd wp Пошук: ⬜

Дзікінсан Рычардс

У Вікіпедыі ёсць артыкулы пра іншых асоб з прозвішчам Рычардс. Дзікінсан Ры́чардс[4] (англ.: Dickinson Woodruff Richards, Jr.; 30 кастрычніка 1895 — 23 лютага 1973) — амерыканскі кардыёлаг, член Нацыянальнай акадэміі навук ЗША (1958)[5].

Біяграфія

Нарадзіўся ў горадзе Орындж, штат Нью-Джэрсі, ЗША. Скончыў Ельскі ўніверсітэт у 1917 годзе і Калумбійскі ўніверсітэт у 1922 годзе, а таксама Калумбійскі ўрачэбна-хірургічны каледж і школу Хотчкіс у штаце Канектыкут. Да 1927 года працаваў у прэсвітэрыянскай бальніцы ў Нью-Ёрку. Пераехаў у Англію і працаваў у Нацыянальным інстытуце медыцынскіх даследаванняў у Лондане. У 1945—1961 гадах кіраваў медыцынскім аддзелам у шпіталі Белв’ю ў Нью-Ёрку[4].

Навуковая дзейнасць

Аўтар прац пра дзейнасць сэрца ва ўмовах траўматычнага шоку, распрацоўцы і ўдасканаленні метадаў даследавання функцый сэрца і лёгкіх. Адзін з аўтараў метаду катэтарызацыі сэрца.

Узнагароды

Нобелеўская прэмія па фізіялогіі і медыцыне 1956 года (разам з А. Ф. Курнанам і В. Форсманам) за распрацоўку і ўдасканаленне метаду клінічнай дыягностыкі парокаў сэрца (катэтарызацыя сэрца).

Зноскі

1 2 Dickinson Woodruff Richards // Encyclopædia Britannica Праверана 9 кастрычніка 2017.
1 2 Dickinson W. Richards // SNAC — 2010. Праверана 9 кастрычніка 2017.
↑ (unspecified title) Праверана 8 ліпеня 2019.
1 2 БелЭн, 2001
↑ Dickinson W. Richards // National Academy of Sciences (англ.)

Літаратура

Маніна А. Ю. Рычардс (Richards) Дзікінсан // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 528. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.
Ричардс (Richards) Дикинсон // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978.(руск.)

Спасылкі

Dickinson W. Richards // National Academy of Sciences (англ.)