Андрэ Фрэдэрык Курнан (фр.: André Frédéric Cournand; 24 верасня 1895, Парыж — 19 лютага 1988) — амерыканскі ўрач і фізіёлаг, па паходжанні француз.
У 1930 годзе скончыў медыцынскі факультэт Парыжскага ўніверсітэта, у тым жа годзе пераехаў у Нью-Ёрк. З 1951 года прафесар медыцынскага факультэта Калумбійскага ўніверсітэта.
За распрацоўку і ўдасканаленне метаду клінічнай дыягностыкі парокаў сэрца (катэтарызацыя сэрца) ганараваны (сумесна з В. Форсманам і Д. Рычардсам) Нобелеўскай прэміі (1956).