.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} У Вікіпедыі ёсць артыкулы пра іншых асоб з прозвішчам Платонаў. Дзмітрый Платонаў (нар. 7 лютага 1986, Мінск) — былы беларускі футбаліст, нападнік.
Упершыню заявіў аб сабе ў 2005 годзе, гуляючы за «Зорку-БДУ». Потым два сезоны гуляў за барысаўскі БАТЭ, у шэрагах якога двойчы стаў чэмпіёнам краіны. Не праходзячы ў асноўны склад барысаўскага клуба, пайшоў у арэнду ў «Граніт», потым гуляў за «Шахцёр». У пачатку 2010 года перайшоў у «Гомель». У сезоне 2010 у першай лізе забіў за «Гомель» 25 мячоў, і клуб вярнуўся ў вышэйшую лігу. У другой палове сезона 2011 не гуляў па прычыне траўмы.
У студзені 2013 года перайшоў у «Тарпеда-БелАЗ»[3]. Пачаў сезон іграком асновы, але ў красавіку атрымаў траўму і выбыў на месяц. Адразу пасля вяртання, 12 мая 2013 года, адзначыўся хет-трыкам у вароты мазырскай «Славіі». У чэрвені 2013 года атрымаў чарговую траўму, з-за якой выбыў да канца сезона.
У студзені 2014 года падоўжыў кантракт з «Тарпеда-БелАЗ»[4]. Пачатак сезона 2014 прапусціў з-за траўмы, а потым звычайна ўзмацняў жодзінцаў пасля выхаду на замену. У канцы сезона стаў з’яўляцца ў стартавым складзе на пазіцыі цэнтральнага нападніка. Усяго за сезон 2014 забіў 6 галоў, з іх 4 — пасля выхаду на замену.
У лютым 2015 года чарговы раз падоўжыў кантракт з жодзінскім клубам[5]. У сезоне 2015 здолеў з 7 галамі стаць найлепшым бамбардзірам клуба ў чэмпіянаце. Па заканчэнні тэрміну кантракта ў лютым 2016 года пакінуў Жодзіна[6].
У сакавіку 2016 года перайшоў у юрмальскі «Спартак»[7]. Дапамог «Спартаку» стаць чэмпіёнам Латвіі, а сам з 12 галамі стаў другім бамбардзірам чэмпіянату 2016.
У студзені 2018 года стаў іграком іншага латвійскага клуба — РФШ[8]. Пачынаў сезон у асноўным складзе, але пазней стаў звычайна заставацца на лаўцы запасных. У снежні 2018 года стала вядома, што латвійскі клуб не стане падаўжаць кантракт з нападнікам на наступны сезон[9].
У пачатку 2019 года праходзіў прагляд у брэсцкім «Дынама», але не падышоў[10] і вырашыў завяршыць прафесійную кар’еру[11].
Гуляў за моладзевую зборную Беларусі.
Дзмітрый мае брата-блізнюка Паўла, таксама футбаліста.
Сезон | Дывізіён | Клуб | Краіна | Матчы | Галы |
---|---|---|---|---|---|
2003 | дубль | Зорка-БДУ | ![]() | 9 | 1 |
2004 | дубль | Зорка-БДУ | ![]() | 10 | 1 |
2005 | Д1 | Зорка-БДУ | ![]() | 23 | 7 |
2006 | Д1 | БАТЭ | ![]() | 18 | 2 |
2007 | Д1 | БАТЭ | ![]() | 19 | 1 |
2008 | Д1 | Граніт-Мікашэвічы | ![]() | 23 | 3 |
2009 | Д1 | Шахцёр | ![]() | 24 | 3 |
2010 | Д2 | Гомель | ![]() | 28 | 25 |
2011 | Д1 | Гомель | ![]() | 8 | 2 |
2012 | Д1 | Гомель | ![]() | 28 | 8 |
2013 | Д1 | Тарпеда-БелАЗ | ![]() | 10 | 3 |
2014 | Д1 | Тарпеда-БелАЗ | ![]() | 19 | 6 |
2015 | Д1 | Тарпеда-БелАЗ | ![]() | 24 | 7 |
2016 | Д1 | Спартак | ![]() | 21 | 12 |
2017 | Д1 | Спартак | ![]() | 16 | 4 |
2018 | Д1 | РФШ | ![]() | 12 | 1 |
Профіль на сайце by.tribuna.com (руск.)
Профіль на сайце soccerway.com (руск.)
Профіль на сайце teams.by (руск.)
Профіль на сайце pressball.by (руск.)