wd wp Пошук: ⬜

Дзмітрый Алегавіч Рагозін

У Вікіпедыі ёсць артыкулы пра іншых асоб з прозвішчам Рагозін. Дзмі́трый Але́гавіч Раго́зін (руск.: Дмитрий Олегович Рогозин; нар. 21 снежня 1963, Масква, РСФСР, СССР, зараз Расія) — расійскі дзяржаўны дзеяч, вучоны. Быў членам партыі «Радзіма».

Біяграфія

Нарадзіўся ў горадзе Масква 21 снежня 1963 года ў сям’і вайскоўцаў. Бацька — Алег Канстанцінавіч Рагозін быў генералам. Маці — Тамара Васільеўна Рагозіна (Пракоф’ева) была лекаркай.

Навука

Вучыўся ў школе, дзе вывучалі французскую мову паглыблена. У 1978 годзе ўступіў у камсамол. У 1981 годзе паступіў ў Маскоўскі дзяржаўны ўніверсітэт імя М. В. Ламаносава на аддзяленне журналістыкі. У 1982 годзе ажаніўся з Таццянай Серабраковай (зараз Рагозіна). Вывучыў чатыры мовы: Англійская мова, італьянская мова, чэшская мова, іспанская мова. У 1986 годзе закончыў вучобу ў ВНУ. У 1988 годзе закончыў партыйнае ВНУ ў Маскве.

Работа

Пасля заканчэння вучобы займаў пасады ў камсамоле. Пасля распаду СССР рабіў у розных навуковых установах. Адначасова спрабаваў займацца палітычнай дзейнасцю. Аднак няўдала. У 1993 годзе спрабаваў на выбарах папасць у Дзяржаўную Думу Расіі, але прайграў.

Пасол Думы

У сакавіку 1997 года Дз. Рагозін набраў 37,91 адсоткі галасоў і быў выбраны ў Думу. Там быў яры вораг Б. Ельцына. Выступаў з патрыятычнымі заявамі. У 1998—1999 гадах спрабаваў адсунуць ад улады Ельцына.

Прыход Пуціна

Пасля прыходу да ўлады Уладзіміра Пуціна Дзмітрый Рагозін пачаў рабіць чыноўніцкую кар’еру. 22 студзеня 2004 года вёў перамовы з Еўрасаюзам па візавых адносінах. 9 студзеня 2008 года Рагозін прызначаны паслом Расіі пры НАТА[1]. 23 снежня 2011 года прызначаны намеснікам старшыні ўрада Расіі[2]. Рагозін адказваў за ваенна-прамысловую дзейнасць ва ўрадзе Расіі. 18 мая 2018 года быў вызвалены з пасады.

Інцыдэнты

8 мая 2014 года самалёту, якім ляцеў Дзмітрый Рагозін у Прыднястроўе, было забаронена перасякаць паветраную прастору Украіны, і ён вымушаны быў ляцець праз Балгарыю і Румынію[3]. На наступны дзень Румынія таксама закрыла для гэтага самалёта сваю паветраную прастору праз увядзенне персанальных санкцый з боку Еўрапейскага саюза, а сам Рагозін заявіў, што ў наступны раз паляціць на Ту-160, а таксама дадаў, што вылятае, нягледзячы на забарону. Самалёт сапраўды перасёк мяжу Украіны, але за некаторы час ён вярнуўся ў Кішынёў[4], што адбылося, паводле інфармацыі расійскіх СМІ, з дапамогай двух украінскіх МіГ-29 [5]. Пасля таксама рэйсавым самалётам вярнуліся і іншыя прадстаўнікі дэлегацыі Расійскай Федэрацыі[6].

Гл. таксама

Уладзіслаў Юр’евіч Суркоў

Зноскі

↑ Указ Президента Российской Федерации от 6 апреля 2009 года № 356 Архівавана 28 ліпеня 2013.
↑ Дмитрий Рогозин назначен Заместителем Председателя Правительства
↑ Расійскаму віцэ-прэм’еру забаранілі ляцець у Малдову цераз Украіну.(недаступная спасылка) ТВі. 08.05.2014.
↑ Румынія закрыла сваю паветраную прастору для расійскага чыноўніка. Архівавана 17 мая 2014. ТВі. 09.05.2014.
↑ Украіна прымусова пасадзіла борт з Мядзінскім пры дапамозе двух МіГ-29. РИА «Новости». 09.05.2014. (руск.)
↑ Самалёт з расійскімі палітыкамі, якіх раней не прапусцілі праз паветраную прастору Украіны, прызямліўся ў Маскве. RT. 09.05.2014. (руск.)

Спасылкі

Асабістая выстава ў сеціве Дзмітрыя Рагозіна Архівавана 23 чэрвеня 2005.
Дмитрий Чёрный. В ответе за космос и оборонку // Литературная Россия, 2016, № 19