У Вікіпедыі ёсць артыкулы пра іншых асоб з прозвішчам Хейл.
Джордж Элеры Хейл (англ.: George Ellery Hale; 29 чэрвеня 1868, Чыкага, Ілінойс — 21 лютага 1938) — амерыканскі астраном, вынаходнік спектрагеліёграфа.
Член Нацыянальнай акадэміі навук ЗША (1902), замежны член Лонданскага каралеўскага таварыства (1909), замежны член-карэспандэнт Расійскай акадэміі навук (1924).
Нарадзіўся 29 чэрвеня 1868 года ў Чыкага. У 1890 годзе скончыў Масачусетскі тэхналагічны інстытут. У 1888—1891 гадах праводзіў назіранні ва ўласнай невялікай Кенвудскай абсерваторыі. У 1892—1905 гадах працаваў у Чыкагскім універсітэце (з 1897 — прафесар, у 1895—1905 — першы дырэктар Еркскай абсерваторыі ва Уільямс-Бэй блізу Чыкага). У 1904 годзе Хейлі арганізаваў абсерваторыю Маўнт-Вілсан (штат Каліфорнія) інстытута Карнегі ў Вашынгтоне і да канца 1923 года быў яе дырэктарам (з 1923 — ганаровым дырэктарам).
Памёр Хейлі ў Пасадэне (штат Каліфорнія) 21 лютага 1938 года.