У Вікіпедыі ёсць артыкулы пра іншых асоб з прозвішчам Гібс.
Джозая Уілард Гібс[6] (англ.: Josiah Willard Gibbs; 11 лютага 1839, Нью-Хэйвен, Канектыкут, ЗША — 28 красавіка 1903) — амерыканскі фізік-тэарэтык, адзін са стваральнікаў тэрмадынамікі і статыстычнай механікі. Член Нацыянальнай АН ЗША, член Лонданскага каралеўскага таварыства.
Скончыў Ельскі ўніверсітэт у 1863 годзе, дзе працаваў з 1869 года.
Распрацаваў тэорыю тэрмадынамічных патэнцыялаў, адкрыў агульную ўмову раўнавагі гетэрагенных сістэм (1875; правіла фаз Гібса), устанавіў фундаментальны закон статыстычнай фізікі — ураўнення Гібса.
У працы «Асноўныя прынцыпы статыстычнай механікі, выкладзеныя са спецыяльным прымяненнем да рацыянальнага абгрунтавання тэрмадынамікі» завяршыў стварэнне класічнай статыстычнай фізікі (1902).