Говард Джэйкабсан (англ.: Howard Jacobson; 25 жніўня 1942) — брытанскі пісьменнік і журналіст. Больш вядомы як аўтар камічных навел, сюжэт якіх круціцца каля вобразаў брытанскіх яўрэяў. Лаўрэат Букераўскай прэміі 2010 года.[5]
Джэйкабсан нарадзіўся ў 1942 годзе ў Манчэстэры. Ён скончыў Кембрыджскі ўніверсітэт, нейкі час чытаў лекцыі ва Універсітэце Сіднею, аднак пазней вярнуўся выкладчыкам у Кембрыдж.
Як пісьменнік Джэйкабсан найбольш вядомы гумарыстычнымі гісторыямі пра брытанскіх яўрэяў. Адна з такіх гісторый распавядаецца і ў «Праблеме Фінклера». Раман стаў першай адкрыта гумарыстычнай гісторыяй, якая атрымала Букераўскую прэмію за ўсю яе гісторыю.