wd wp Пошук: ⬜

Глафіра Антонаўна Мядзведзева

У Вікіпедыі ёсць артыкулы пра іншых асоб з прозвішчам Мядзведзева. Глафіра Антонаўна Мядзве́дзева[1] (2 студзеня 1911 — 16 жніўня 2011 [2]) — вучоны ў галіне паталагічнай фізіялогіі, доктар медыцынскіх навук (1959), прафесар (1959), Заслужаны дзеяч навукі БССР (1966).

Біяграфія

Нарадзілася ў вёсцы Кабылянка (сучасная вёска Акцябрск у Клічаўскім раёне Магілёўскай вобласці Беларусі). У 1933 годзе скончыла Маскоўскі педагагічны інстытут, у 1940 годзе — Віцебскі медыцынскі інстытут, дзе ў 1939—1941[2] гг. працавала на кафедры паталагічнай фізіялогіі. У 1941—1943 гг. на пасадзе дырэктара паліклінікі ў горадзе Пласт Чалябінскай вобласці [2]. У 1943—1946 гг. Г. А. Мохава на пасадзе асістэнта кафедры паталагічнай фізіялогіі ў Мінскім медыцынскім інстытуце і з 1946 года ў Віцебскім медыцынскім інстытуце, дзе ў 1946—1968 гг. займала пасаду загадчыка кафедрай паталагічнай фізіялогіі, адначасова ў 1961—1965 гг. — рэктара[2].

Памерла Г. А. Мядзведзева 16 жніўня 2011 г.

Навуковая дзейнасць

Г. А. Мядзведзевай належаць навуковыя працы па ролі нервовай сістэмы ў патагенезе хвароб і кампенсацыі парушаных функцый, па вострай ныркавай недастатковасці і інш.

Сярод апублікаванага:

Роль нервной системы в механизме восстановления функций организма при смертельных кровопотерях // Вестник хирургии им. Грекова, 1951., Т. 71, № 4. (разам з Р. М. Прусам).

Зноскі

↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка.
1 2 3 4 Мядзведзева, Глафіра Антонаўна (доктар медыцынскіх навук; 1911—2011) // Нацыянальная бібліятэка Беларусі

Літаратура

Мядзведзева Глафіра Антонаўна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8. — С. 64.

Спасылкі

Мядзведзева, Глафіра Антонаўна (доктар медыцынскіх навук; 1911—2011) // Нацыянальная бібліятэка Беларусі
История кафедры патологической физиологии(руск.) // Сайт Віцебскага дзяржаўнага ордэна Дружбы народаў медыцынскага ўніверсітэта