Гладу́н мнагашлюбны[3][4][5] (Herniaria polygama) — від кветкавых раслін роду Гладун (Herniaria) сямейства Гваздзіковыя (Caryophyllaceae)
Шматгадовая[3] травяністая расліна 5—25 см вышынёй, з моцным пахам. Лісце голае. Чашалісцікі даўгаватыя, унізе з доўгімі кручкаватымі валасінкамі[5]. Расліна апушана. Сцёблы разгалістыя. Хвосцікі кароткія; ліставая пласцінка даўгавата-эліптычная, 3—10 × 1—3 мм, верхавінка тупая. Шчыльнае суквецце (6) 10—12 або больш кветкавае. Кветкі 1,4—1,5 (1,7) мм. Чашалісцікі ланцэтныя, прыкладна 1,5 × 0,5 мм, знізу калматыя, верхавінкі вострыя. Тычынак 4, карацей чашалісцікаў. Сямянка яйкападобная[6].
Расліны распаўсюджаны ва Усходняй Еўропе і на ўсход да паўночна-заходняга Кітая. Расце на папарах (асабліва на пясчанай глебе). на аблогах, каля дарог. На тэрыторыі Украіны від расце на адкрытых месцах, у сасновых лясах — на Палессі, зрэдку; у лесастэпе і на поўначы стэпу, спарадычна[5].
Цвіце ў маі—ліпені, плады паспяваюць у ліпені—жніўні.