Гермес Бельведэрскі
Меркурый ці Гермес Бельведэрскі — адзін з шэдэўраў ватыканскага Бельведэра (музей Пія-Клімента), які доўгі час прымалі за выяву Антыноя і называлі Антыноем Бельведэрскім.
У 1543 годзе Папа Павел III набыў статую за 1000 дукатаў у чалавека, сядзіба якога знаходзілася пад сценамі замка Св. Анёла. Верагодна, менавіта там яна і была выяўлена. На працягу XVI і XVII стагоддзяў слава пра гэты твор разнеслася па ўсёй Еўропе: мармуровыя копіі замовілі для сябе Карл I Сцюарт, Людовік XIV і Пётр I. Пусэн бачыў у ім ідэал класічных прапорцый, а Вінкельман (які прымаў статую за выяву Мелеагра) асабліва захапляўся прапрацоўкай твару.
З часоў Эніа Квірына Вісконці лічыцца даказаным, што скульптура адлюстроўвае бога Гермеса. Ідэалізаваны твар, перакінутая праз плячо халаміда і паслаблены кантрапост паказваюць на тое, што арыгіналам для гэтай копіі Адрыянава кіравання магла служыць згубленая праца Праксіцеля накшталт «Гермеса і Дыяніса».
Літаратура
- Brummer, Hans Henrik, 1970. The Statue Court in the Vatican Belvedere (Stockholm).
- Haskell, Francis, and Nicholas Penny, 1981. Taste and the Antique: the Lure of Classical Sculpture 1500-1900 (Yale University Press), cat. no. 4, pp 141–43.
- Helbig, Wolfgang, 1963-72. Führer durch die öffentlichen Sammlungen der klassistischer Altertümer in Rom, (Tübingen) 4th ed., I, pp 190–91.
Спасылкі
-
На Вікісховішчы ёсць медыяфайлы па тэме Антыной Бельведэрскі
Катэгорыя·Гермес
Катэгорыя·Экспанаты музея Пія-Клімента
Катэгорыя·Скульптуры Старажытнай Грэцыі