Герберт Бёкль (ням.: Herbert Boeckl; 3 чэрвеня 1894, Клагенфурт — 20 студзеня 1966, Вена) — аўстрыйскі мастак, адзін з галоўных прадстаўнікоў мадэрнізму ў Аўстрыі. Не паступіўшы ў венскую Акадэмію мастацтваў на жывапіснае аддзяленне, вучыўся архітэктуры, але затым самастойна пачаў вывучаць жывапіс. Пасля Першай сусветнай вайны адчуў уплыў Эгана Шыле, Ловіса Корынта і Оскара Какошкі. Яго прываблівалі пераважна рэлігійныя тэмы. Галоўны твор Бёкля «Апакаліпсіс» з кляштара Секау — адна з самых значных фрэсак XX стагоддзя.