У Вікіпедыі ёсць артыкулы пра іншых асоб з прозвішчам Сангушка. Геранім Януш Сангушка (4 сакавіка 1743 — 4 верасня 1812) — вялікалітоўскі дзяржаўны дзеяч.
Сын Паўла Караля Сангушкі. Генерал-паручнік літоўскага войска (1775), мечнік вялікі літоўскі ў 1775 годзе, ваявода валынскі з 1775 года. Выступаў супраць Канстытуцыі 3 мая (1791). Далучыўся да Таргавіцкай канфедэрацыі і атрымаў чын генерал-паручніка расійскай арміі (1793). Удзельнічаў у паўстанні 1794 года, у Гродне прыняў камандаванне над войскам Вялікага Княства Літоўскага і прывёў яго на абарону Варшавы.