Георг Готфрыд Гервінус (ням.: Georg Gottfried Gervinus, 20 мая 1805, Дармштат — 18 сакавіка 1871, Гайдэльберг) — нямецкі гісторык і літаратуразнаўца. Прафесар універсітэтаў у Гётынгене (1836—1837) і Гайдэльбергу (1835, 1844-53). Напярэдадні і ў перыяд Рэвалюцыі 1848-49 адзін з бачных дзеячаў ліберальнай апазіцыі; член Франкфурцкага парламента (1848); быў прыхільнікам аб’яднання Германіі пад гегемоніяй Прусіі пры ўмове ператварэння Прусіі ў канстытуцыйную манархію. У 60-х гг. асуджаў палітыку Бісмарка і прускі шавінізм з пункту гледжання асветніка і мараліста. Прадстаўнік Гайдэльбергскай школы гісторыкаў, Гервінус працягваў лінію Ф. Шлосера пра вывучэнне духоўнай культуры.