Генрых Плоцке (ням.: Heinrich Plotzke, або ням.: Heinrich von Plotzke; ? — 27 ліпеня 1320, Меднікі, Літва) — рыцар Тэўтонскага ордэна, ландмайстар Тэўтонскага ордэна ў Прусіі з 1307 па 1309[2] гадах, вялікі комтур ордэна з верасня 1309 па 3 жніўня 1312 года, маршал ордэна ў 1312—1320[3] гадах.
Па прыбыцці ў 1309 годзе ў Прусію вялікага магістра Зігфрыда фон Фейхтвангена неабходнасць у дублюючай пасадзе ландмайстра Прусіі адпала і была скасавана. Генрых Плоцке стаў вялікім комтурам ордэна, што па сутнасці падымала яго ранейшы статус, бо ён стаў у сутнасці намеснікам вялікага магістра ва ўсіх справах.
Камандаваў войскам ордэна ў бітве пад Меднікамі, якая адбылася 27 ліпеня 1320 года. Войска ордэна складалася з 40 рыцараў, гарнізона замка Мемель і заваяваных прусаў. Войска напала на Медніцкія землі і частка крыжакоў адправілася рабаваць наваколлі. Тым часам жамойты нечакана нанеслі ўдар па галоўных сілах ворага. Загінуў маршал, 29 рыцараў, шмат прусаў. Ордэн не нападаў на Медніцкія землі аж да заключэння перамір’яў з Гедзімінам у 1324—1328.
Папярэднік: Зігхард фон Шварцбург |
ландмайстар Тэўтонскага ордэна ў Прусіі 1307–1309 |
Пераемнік: (з перапынкам у 1309-1317 гадах) Фрыдрых фон Вільдэнберг |
Папярэднік: Вірыкус дэ Хомберх |
вялікі комтур Тэўтонскага ордэна 1309–3 жніўня 1312 |
Пераемнік: Генрых фон Гера |
Папярэднік: Конрад фон Тырберг Малодшы |
маршал Тэўтонскага ордэна 3 жніўня 1312–27 ліпеня 1320 |
Пераемнік: Дытрых фон Альтэнбург |