Гарасяне́ц — возера ў Беларусі, ва Ушацкім раёне Віцебскай вобласці, за 3 км на ўсход ад гарадскога пасёлка Ушачы, на паўночнай ускраіне вёскі Ціханяты, у басейне ракі Крашанка.
Плошча паверхні 0,03 км². Даўжыня 0,25 км, найбольшая шырыня 0,21 км. Найбольшая глыбіня 8,4 м, сярэдняя — 4,0 м. Даўжыня берагавой лініі 0,7 км. Аб’ём вады ў возеры 0,124 млн м³.
Схілы катлавіны вышынёй 3—5 м, разараныя. Выцякае ручай у раку Крашанка.