У Вікіпедыі ёсць артыкулы пра іншых асоб з прозвішчам Дзмітрыева. У Вікіпедыі ёсць артыкулы пра іншых асоб з прозвішчам Балаш (значэнні). Ганна Яраславаўна Дзмі́трыева-Ба́лаш (27 мая 1964, Мінск) — беларуская мастачка дэкаратыўна-прыкладнога мастацтва.
Вучылася ў 1972—1978 гадах творчай майстэрні В. Ф. Сумарава, скончыла ў 1987 годзе Беларускі тэатральна-мастацкі інстытут.
Член Беларускага саюза мастакоў з 1994 года, Беларускага саюза дызайнераў з 1997 года.
Працуе ў галіне тэкстылю і мадэліравання. Стварае аб’ёмныя тэкстыльныя кампазіцыі з выкарыстаннем тэхнік габелена, ціснення па скуры, вышыўкі, аплікацыі, калажа, жывапісу і інш.: «Цар-царыца» (1987), «Салавей і ружа» (1996), «Дзівосная краіна» (1997), «Раніца ў Венецыі», «Мурашыная каралева», «Развітанне славянкі» (усе 1990-я г.; з С. Даманавай), пано «Мой горад» (1997). Мастак-пастаноўшчык тэлефільма «Пастка для зубра» (1992—1994). Аформіла сцэнічныя касцюмы ансамблям «Харошкі», «Крупіцкія музыкі», «Камерата» і інш.
У шлюбе з мастаком Аляксеем Дзмітрыевым.