У Вікіпедыі ёсць артыкулы пра іншых асоб з прозвішчам Ярэд. Габрыэ́ль Ярэ́д (араб. جبرائيل يارد, фр.: Gabriel Yared; нар. 7 кастрычніка 1949, Бейрут, Ліван) — музыкант, кампазітар і аркестратар ліванскага паходжання. Аўтар музыкі для кіно французскай і амерыканскай вытворчасці. Сярод фільмаў з музыкай Ярэда — «Англійскі пацыент», «Таленавіты містэр Рыплі», «Халодная гара», «Жыццё іншых», «Восень у Нью-Ёрку», «1408» і інш. Тройчы намініраваўся на прэмію «Оскар», адзін раз стаў лаўрэатам гэтай прэміі. Апрача таго, Ярэд з’яўляецца аўтарам музыкі для балетаў, а таксама для радыё, тэлебачання і рэкламы.