Віктар Уладзіміравіч Казачонак (нар. 25 студзеня 1954, в. Залессе, Верхнядзвінскі раён, Віцебская вобласць) — беларускі матэматык. Доктар педагагічных навук (2011), кандыдат фізіка-матэматычных навук (1987), дацэнт (спецыяльнасць «Інфарматыка», 1988), прафесар. Эксперт ЮНЕСКА па выкарыстанні інфармацыйных тэхналогій у адукацыі (з 2009). Правадзейны член Акадэміі інфарматызацыі адукацыі Расіі (2010).
Скончыў Беларускі дзяржаўны ўніверсітэт (факультэт прыкладной матэматыкі, спецыяльнасць «Прыкладная матэматыка», 1976).
Працуе ў Беларускім дзяржаўным універсітэце (з 1976, факультэт прыкладной матэматыкі і інфарматыкі, кафедра камп’ютарных тэхналогій і сістэм, прафесар).
Навуковыя інтарэсы: прыкладная статыстыка; методыка навучання матэматыцы.