Віктар Леанідавіч Сонца (14 сакавіка 1951 Мінск — 12 верасня 2019, Мінск) — беларускі дызайнер.
Нарадзіўся у Мінску, у 1974 годзе скончыў Беларускі політэхнічны інстытут. Спецыялізацыя: індустрыяльны дызайн. Удзельнік творчага тандэму «Паланевіч і Сонца». Член Беларускага саюза дызайнераў з 1991 года. Мае больш за 60 аўтарскіх пасведчанняў і патэнтаў на прамысловыя ўзоры.
Трактары, сельгасмашыны, кабіны, пульты кіравання, панэлі прыбораў, дзяржальні, сядзенні, аўтобусы (ПАЗ, КАвз, «Нёман»), перспектыўныя кабіны для Мінскага аўтамабільнага завода, у тым ліку аўтацягнік МАЗ «Перабудова».
У перыяд 2004—2015 гадоў — распрацоўка дарожна-будаўнічай тэхнікі аб’яднання «Амкадор».