Вустэрскі ўніверсітэт
Вустэрскі ўніверсітэт (англ.: University of Worcester) — брытанская дзяржаўная вышэйшая навучальная ўстанова са статусам універсітэта з сядзібай у горадзе Вустэр.
Гісторыя
У 1946 годзе ў Вустэры на месцы адной з былых ваенных баз, якія выкарыстоўваліся падчас Другой сусветнай вайны, быў створаны педагагічны каледж Бірмінгемскага ўніверсітэта. У 1970-х гадах Савет па нацыянальных акадэмічных узнагародах зацвердзіў кваліфікацыі Вустэрскага каледжа вышэйшай адукацыі. У 1992 годзе Ковентрыйскі ўніверсітэт пагадзіўся зацвердзіць курсы гэтай навучальнай установы. Каледж медыцынскіх сясцёр і акушэрства быў паглынут вучэльняй у 1995 годзе. У 1997 годзе Таемны савет пацвердзіў паўнамоцтвы ўстановы па прысваенне дыпломаў аб вышэйшай адукацыі, і пасля ён стаў называцца Вустэрскім універсітэцкім каледжам. У 2005 годзе Таемны савет надаў яму статус універсітэта. У верасні таго ж года ўстанова была перайменавана і атрымала сучасную назву. У 2010 годзе Таемны савет надаў універсітэту паўнамоцтвы па прысваенні і доктарскіх ступеняў. У тым жа годзе універсітэт адкрыў кампус у адрамантаваным былым лазарэце, каб стварыць там бізнес-школу.
Зноскі
Спасылкі
На Вікісховішчы ёсць медыяфайлы па тэме Вустэрскі ўніверсітэт- Афіцыйная інтэрнэт-старонка ўстановы
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вустэр
Катэгорыя·Навучальныя ўстановы, заснаваныя ў 1946 годзе
Катэгорыя·Універсітэты Вялікабрытаніі