wd wp Пошук:
    ⬜

    Вулічная атлетыка

    Элемент «Сцяжок»

    Вулічная гімнастыка, ці вулічная атлетыка, таксама во́ркаўт (англ.: Workout (ˈwəːkaʊt) — бел.: трэніроўка) — гэта аматарскі від спорта, частка фізічнай культуры. Складаецца з выканання розных практыкаванняў на вулічных спортпляцоўках, а менавіта на турніках, брусах, шведскіх сценках, рукаходах і іншых канструкцыях, ці зусім без іх выкарыстання (на зямлі). Галоўны акцэнт робіцца на работу з уласнай вагой і развіццём сілы і цягавітасці. Людзі, якія захапляюцца такім спортам, завуць сябе па-рознаму: воркаўтэры, вулічныя (дваровыя) спартсмены, вулічныя гімнасты, турнікмэны і іншае.

    Гісторыя развіцця вулічнай гімнастыкі ў СНД

    Турнікі і брусы пачалі актыўна ўсталёўвацца на дварах і прышкольных тэрыторыях яшчэ ў часы СССР, галоўным чынам, з мэтай пашырэння фізкультурных практыкаванняў сярод моладзі і тым самым спрыяння здароваму ладу жыцця і фізічнаму развіццю. З гэтай жа мэтай былі ўведзены нарматывы ГПА, у якія таксама ўваходзілі падцягванні на турніку і падыманні з вісу ва ўпор пераваротам ці сілай. Ужо тады многія дзеці пачалі цікавіцца і актыўна займацца на спартыўных пляцоўках. Варта таксама адзначыць, што не ва ўсіх краінах можна знайсці падобныя спартыўныя снарады, усталяваныя на вуліцы.

    У 2000-я з развіццём Інтэрнэту таксама павялічыўся абмен інфармацыяй паміж рознымі краінамі. Сталі больш даступнымі навіны і іншая інфармацыя з кожнага кутка планеты. Тым часам на адным з сайтаў, які прапануе паслугі відэахостынга, пачалі з’яўляцца аматарскія відэаролікі[1] з адменнымі трэніроўкамі на вуліцы (англ.: Street workout). Некаторыя з якіх называліся гета-трэніроўкамі (англ.: Ghetto workout), што, магчыма, звязана з тым, што іх выкладвалі ў Інтэрнэт афраамерыканцы з гета. Некаторыя ролікі выклікалі вялікую цікавасць у моладзі па ўсім свеце.

    З часам у гэтага захаплення стала з’яўляцца ўсё больш паслядоўнікаў у краінах постсавецкай прасторы, напрыклад, у Расіі[2][3], Казахстане, Беларусі[4] і на Украіне[5][6]. На гэта захапленне моладзі звярнулі ўвагу і ўлады многіх гарадоў, якія пачалі актыўна будаваць адмысловыя пляцоўкі з усімі патрэбнымі спартыўнымі снарадамі і элементамі для заняткаў вулічнай гімнастыкай. Гэты тып аматарскага спорту інакш называюць вулічным фітнесам ці проста вулічнымі трэніроўкамі.

    Вулічная гімнастыка ў іншых краінах

    Вялікую папулярнасць гэты аматарскі від спорта набывае і ў іншых краінах.

    Пляцоўкі

    Так, напрыклад, у Польшчы адкрываецца ўсё больш адмыслова абсталяваных пляцовак[7][8], учыняюцца трэнераванні для ўсіх ахвотнікаў[9]. Новыя спартовыя пляцоўкі адкрываюцца ў Партугаліі[10]. У 2014 годзе першыя групы зацікаўленых у развіцці гэтага спорту з’явіліся ў Германіі[11], а ўжо ў 2015 годзе там сталі з’яўляцца адмысловыя пляцоўкі[12]. У тым жа 2015 годзе ўсё актыўней пачалі будаваць пляцоўкі ва Францыі[13]. Групе з Палесціны дабіцца пабудовы пляцоўкі не ўдалося, таму яны яе ўладкавалі саматугам[14]. У Турцыі першая пляцоўка з’явілася ў студзені 2016 года[15].

    Спаборніцтвы

    У 2013 годзе першы фэст вулічнай гімнастыкі прайшоў у Сербіі[16], спаборніцтвы ў Чэхіі[17].

    У 2014 годзе ўнутраныя спаборніцтвы праходзілі ў Польшчы[18].

    У 2015 годзе ўнутраныя спаборніцтвы прайшлі ў Іспаніі[19].

    Стылі і класіфікацыя вулічнай гімнастыкі

    Пашыраныя элементы вулічнай гімнастыкі

    Вулічная гімнастыка — Элемент «Гарызонт» (Planche)

    Статычныя затрымкі цела

    Дынамічныя практыкаванні

    Адменнасці спаборніцтваў па вулічнай гімнастыцы

    Суддзі — гэта людзі, якія доўгі час трэніруюцца на спартыўных снарадах і на ўласным вопыце дазналіся, ці складана выканаць тое ці іншае практыкаванне.

    Існуюць розныя крытэрыі ацэнкі выступлення:

    1-ы варыянт: Сіла, відовішчнасць, выразнасць, колькасць элементаў у звязку, харызма[20].

    2-і варыянт: Статыка, дынаміка і камбінацыі[21].

    Спаборніцтвы могуць ісці:

    а) у вольным стылі — кожны паказвае сваю праграму,

    б) у фармаце двубоя адзін-на-адзін («батлаў») (англ.: battle — бой, бойка), на якіх два супернікі па чарзе паказваюць сваю праграму і потым суддзі абіраюць лепшага.

    Міжнародныя спаборніцтвы і чэмпіянаты

    Першы міжнародны чэмпіянат адбыўся ў жніўні 2011 года ў г. Рыга (Латвія), на якім першае месца заняў украінскі спартсмен Яўген Козыр[22]. На чэмпіянаце ў 2012 годзе першае месца заняў — Яўген Качарга (Украіна), Яўген Козыр (Украіна) быў другім, а на трэцяе месцы трапіў Мікалай Лабанаў (Расія)[23]. Яўген Качарга паказаў найлепшае выступленне індывідуальнага стылю — падцягваўся на адной руцэ з 16-кілаграмовай гірай у зубах[24]. У рамках III Суперфіналу кубка свету па вулічнай гімнастыцы, які адбыўся 19 снежня 2015 года 1 месца — Даніэль Лайзанс (Daniels Laizāns) (Латвія); 2 месца — Міхал Мухар’янаў (Расія); 3 месца — Рэмі Грэбці (Rémy Gresteau) (Францыя)[25]

    ДатаГорадКраінаТып спаборніцтваў
    27-28 жніўня 2011 годаРыгаЛатвіячэмпіянат свету
    2 чэрвеня 2012 годаДнепрапятроўскУкраінаміжнародны фэст
    4 жніўня 2012 годаРыгаЛатвіячэмпіянат свету
    8 снежня 2012 годаМаскваРасіякубак нацый
    27 красавіка 2013 годаАстанаКазахстанчэмпіянат свету
    29 чэрвеня 2013 годаДнепрапятроўскУкраінаміжнародны фэст
    28 ліпеня 2013 годаТулаРасіяміжнародны турнір
    3 жніўня 2013 годаРыгаЛатвіячэмпіянат свету
    1 снежня 2014 годаАстанаКазахстанчэмпіянат свету
    19 снежня 2015 года Масква Расія Міжнародны фэст (Супер Фінал Кубка свету)

    Пашыраныя практыкаванні для трэніроўкі

    Падцягванне — базавае практыкаванне вулічнай гімнастыкі

    Існуюць таксама дадатковыя практыкаванні для ўмацавання асобных цягліц. Так, для развіцця прэса выкарыстоўваюцца практыкаванні на паўторы з апусканнем і падыманнем ног (у некаторых выпадках — робячы скручванні), ці падыманнем і апусканнем корпуса (само цела пры гэтым утрымваецца з дапамогай ног, прыкладам, за брусы).

    У большасці практыкаванняў выкарыстоўваецца ў якасці нагрузкі толькі вага спартоўца (калістэніка), аднак у некаторых выпадках ужываюцца розныя ўцяжарвальнікі (у якасці ўцяжарвальніка таксама можа выступаць партнёр)[26].

    Спартовыя пляцоўкі для вулічнай гімнастыкі

    Пляцоўка для вулічнай гімнастыкі ў Польшчы

    Стандартныя элементы, якімі звычайна абсталяваны пляцоўкі для трэнераванняў на вуліцы, гэта:

    Цікавыя факты

    Гл. таксама

    Спасылкі

    1. ↑ Hannibal for King. WorkOut (нявызн.) (20 кастрычніка 2008). Праверана 25 верасня 2013.
    2. ↑ Д.Черкудинова. WorkOut: Как клуб по интересам начал продавать снаряды для уличной гимнастики (нявызн.). Hopes&Fears (20 кастрычніка 2013). Праверана 25 верасня 2013.
    3. ↑ Е. Васіленка. Уличные турники снова на пике популярности (нявызн.). Першы канал (22 мая 2014).
    4. ↑ Вулічны фітнэс(бел.)   (нявызн.)? (недаступная спасылка). 34mag.net (11 красавіка 2012). Архівавана з першакрыніцы 14 ліпеня 2014. Праверана 12 чэрвеня 2014.
    5. ↑ Н.Грищенко, Е.Коденцов. В Украине появилась альтернатива сигаретам и пиву - street workout(руск.) . Подробности. Телеканал “Интер” (20 кастрычніка 2011). Праверана 25 верасня 2013.
    6. ↑ T.Kuslikis. Hannibal For King vs Denis Minin In The Ultimate Freestyle Calisthenic Competition(англ.) . A shot of adrenaline (blog) (20 кастрычніка 2012). Архівавана з першакрыніцы 9 красавіка 2013. Праверана 11 кастрычніка 2013.
    7. ↑ Street Workout na Bemowie(польск.) . Życie Warszawy (20 кастрычніка 2014). Праверана 2014-19-04.
    8. ↑ Bartosz Gubernat. Na bulwarach w Rzeszowie powstanie street workout park. Umowa podpisana(польск.) . Nowiny24 (20 кастрычніка 2014). Праверана 2014-19-04.
    9. ↑ Rafał Sumowski. Street workout, czyli własne ciało zamiast ciężarów(польск.) . Trojmiasto.pl (20 кастрычніка 2014). Праверана 2014-19-04.
    10. ↑ Parques de Street Workout abrem em Guimarães no âmbito do Orçamento Participativo(парт.) . Correio de Minho (20 кастрычніка 2014). Праверана 2014-19-04.
    11. ↑ Peter Beckmann. Trainieren statt trinken und dopen(ням.)  (недаступная спасылка). Westfälische Nachrichten (20 кастрычніка 2014). Архівавана з першакрыніцы 20 красавіка 2014. Праверана 2014-19-04.
    12. ↑ Ніка Шнур. Deutsche Meisterschaften in Bremen Street-Work-out in Tenever(ням.) . Weser Kurier (16 чэрвеня 2015). Праверана 15 студзеня 2016.
    13. ↑ AMIENS Bientôt une aire de «street workout» au Grand Marais(фр.) . Courrier picard (13 студзеня 2016). Праверана 15 студзеня 2016.
    14. ↑ Sarah Benhaida. VIDEO: Inspired by Swedish fitness trend, youth bring “street workout” to Gaza(англ.) . Your Middle East (19 жніўня 2015). Праверана 15 студзеня 2016.
    15. ↑ Kastamonu’da ‘Street Workout’ Parkuru Yapıldı(тур.) . Haberler.com (13 студзеня 2016). Праверана 15 студзеня 2016.
    16. ↑ M. Joksimović. Prvi Street Workout festival u Tašmajdanskom parku(серб.)  (недаступная спасылка). 24sata.rs (14 верасня 2013). Архівавана з першакрыніцы 20 кастрычніка 2016. Праверана 15 студзеня 2016.
    17. ↑ Lucie Žemberyová. Street Workout Battle Brno 2013 - reportáž a fotogalerie(чэшск.) . Ronnie.cz (20 кастрычніка 2014). Праверана 2016-15-01.
    18. ↑ Michał Maliszewski. Reprezentacja radzyńskiego Street Workout na zawodach w Poznaniu(польск.) . Iledzisiaj.pl (20 кастрычніка 2014). Праверана 2014-19-04.
    19. ↑ JÉSSICA SOTO. El Street Workout atrae a jóvenes de toda España al Silo del Cereal(ісп.) . Ideal (1 чэрвеня 2015). Праверана 15 студзеня 2016.
    20. ↑
      Д.Салаўёў. Заснавальнік workout (нявызн.). Вялікі спорт № 9(65) (20 кастрычніка 2013). Праверана 27 верасня 2013.
    21. ↑ Е.Парфёнава. Адбор на Чэмпіянат свету па ўоркаўце 2014 стартаваў (нявызн.) (недаступная спасылка). Men’s health (30 мая 2014). Архівавана з першакрыніцы 7 жніўня 2014. Праверана 14 студзеня 2015.
    22. ↑
      Українець Євген Козир переміг на чемпіонаті Світу зі Street Workout (+фото, відео)(укр.)   (нявызн.)?. kr2012 (20 кастрычніка 2011). Архівавана з першакрыніцы 9 красавіка 2013. Праверана 11 кастрычніка 2013.
    23. ↑ А.Барысаў. Чэмпіянат свету па Street Workout у Рызе 2012(руск.)  (недаступная спасылка). Big Workout (20 кастрычніка 2012). Архівавана з першакрыніцы 12 кастрычніка 2013. Праверана 11 кастрычніка 2013.
    24. ↑
      Я.Маркін. Украінская зборная па ўоркаўце прывезла з Масквы перамогу(руск.) . Сегодня.ua (20 кастрычніка 2012). Архівавана з першакрыніцы 9 красавіка 2013. Праверана 11 кастрычніка 2013.
    25. ↑ Валерыя Яўсенькіна. Расійскі атлет - срэбны прызёр Суперфіналу кубка свету па ўоркаўце(руск.)  (недаступная спасылка). Студэнцкі спорт (20 кастрычніка 2015). Архівавана з першакрыніцы 23 верасня 2018. Праверана 2015-29-12.
    26. ↑
      Дзяніс Мінін: як без грошай і спартзалы пабудаваць прыгожае цела (нявызн.). Часопіс XXL (20 кастрычніка 2012). Праверана 1 кастрычніка 2013.
    27. ↑ Ўоркаўт у Бабруйску(нявызн.) . Belsat TV (4 ліпеня 2014). Праверана 21 снежня 2017.
    28. ↑ Расійскія вайскоўцы асвояць кросфіт і ўоркаўт(нявызн.)  (недаступная спасылка). Вайскова-прамысловы кур’ер (24 снежня 2015). Архівавана з першакрыніцы 2 кастрычніка 2017. Праверана 15 студзеня 2016.
    29. ↑ Фiтнес нашага двара(нявызн.) . Рэспубліка (19 мая 2017). Праверана 21 снежня 2017.
    Тэмы гэтай старонкі (2):
    Катэгорыя·Здаровы лад жыцця
    Катэгорыя·Старонкі з няправільным сінтаксісам спасылак на крыніцы