«Венам 2» (англ.: Venom: Let There Be Carnage) — амерыканскі фантастычны фільм 2021 года, заснаваны на коміксах выдавецтва Marvel Comics. З’яўляецца другой карцінай у «Сусвеце Чалавека-павука ад Sony».
Прэм’ера стужкі ў Беларусі адбылася 30 верасня 2021 года.
Больш чым праз год пасля таго як у яго ўсяліўся іншапланетны сімбіёт Венам, журналіст Эдзі Брок спрабуе прыстасавацца да новага жыцця з суперздольнасцямі і пастаянным жаданнем Венама адкусваць людзям галовы. Брок спрабуе адрадзіць сваю кар’еру і бярэ інтэрв’ю ў серыйнага забойцы Клетус Касадзі, а той выпадкова становіцца гаспадаром сімбіёта Карнажа і збягае з турмы непасрэдна падчас уласнай кары.