У Вікіпедыі ёсць артыкулы пра іншых асоб з прозвішчам Хардзі. Эдвард Томас (Том) Хардзі (англ.: Edward Thomas «Tom» Hardy; 15 верасня 1977, Хамерсміт, Лондан, Вялікабрытанія) — брытанскі акцёр тэатра і кіно. Уладальнік прэміі BAFTA. Праславіўся дзякуючы фільму «Сцюарт: Мінулае жыццё», дзе ён сыграў ролю наркамана і бяздомнага Сцюарта Шортэра, які прынёс яму намінацыю на прэмію BAFTA. Таксама вядомы па сваім галоўным і другарадным ролях у такіх фільмах, як «Бронсан», «Рок-н-рольшчык», «Пачатак», «Воін», «Цёмны рыцар: Адраджэнне легенды», «Лок» і «Вар’яцкі Макс: Дарога лютасці».