Велікалуцкі раён (руск.: Великолу́кский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) на паўднёвым усходзе Пскоўскай вобласці Расіі.
Адміністрацыйны цэнтр — горад Вялікія Лукі, сам горад Вялікія Лукі ўваходзіць у самастойнае муніцыпальнае ўтварэнне ў складзе Пскоўскай вобласці — гарадскую акругу Вялікія Лукі.
Плошча — 2960 км² (5,4 % тэрыторыі Пскоўскай вобласці), у тым ліку: зямель сельскагаспадарчага прызначэння — 169758 га (57 %), з іх ворыва — 28364 га (17 %). Раён знаходзіцца на паўднёвым усходзе вобласці. Мяжуе на ўсходзе з Куньінскім, на поўдні — з Усвяцкім, на паўднёвым захадзе — з Невельскім, на захадзе — з Новасакольніцкім, на поўначы — з Лакнянскім раёнамі Пскоўскай вобласці; на паўночным усходзе — з Цвярской вобласцю.